Plantun de Prouvènço

Pèr coumpara dos planto d'encò nostre

Roemeria hybrida & Myricaria germanica

Roemeria hybrida

Papaveraceae

Nom en français : Roemérie hybride.

Descripcioun :
Aquesto rousello-vióuleto es uno planto raro que trachis dins li meissoun mena en agriculturo traditiounalo o "bioulougico" (aquéu vèn d'un champ de caulet-rabo). Èi bèn poulideto e i'a pas pèr s'engana.

Usanço :
Li fueio soun manjadisso (Anatolìo, Grèço).

Port : Erbo
Taio : 15 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Roemeria
Famiho : Papaveraceae

Ordre : Ranunculales

Coulour de la flour : Vióuleto
Petalo : 4
Ø (o loungour) flour : 3 à 3,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Meissoun - Vignarés
Estànci : Termoumediterran à Subremediterran
Couroulougi : Arqueoufito
Ref. sc. : Roemeria hybrida (L.) DC., 1821

Tamarisso(-d'Alemagno)

Myricaria germanica

Tamaricaceae

Noms en français : Myricaire d'Allemagne, Petit Tamaris.

Descripcioun :
La tamarisso-d'Alemagno, dóu gènre Myricaria, trachis dins li limas de ribiero majamen en Mountagno. Li grano podon èstre empourtado mai bas. Douno d'èr à uno pichoto tamarisso, pamens l'enflourejado èi mai longo e pus espèsso emé de flour pu grando. I'a dous cop mai d'estamino que de petalo. Apoundèn que li flour soun bèn mai grosso e lou boursèu peréu (> 7 mm de long).

Usanço :
Coume pèr lis àutri tamarisso, la rusco èi diuretico, astringènto, sudorifico e aperitivo. Li jóuini pousso sarien bono pèr lucha contro lou manco de plaqueto sanguino.